Þingflokkur Frjálslynda flokksins leggst gegn áformum um einkavæðingu orkustofnana að svo stöddu og ítrekar samþykkt sína frá júlí síðastliðnum.
Sameiginlega hagsmuni þjóðarinnar verður að tryggja á eftirfarandi hátt:
• með áframhaldandi eign ríkis eða sveitarfélaga á orkufyrirtækjum, þar til að komin er á raunveruleg samkeppni á orkumarkaði.
• Með aðskilnaði almenningsveitna, svo sem vatns- og frárennslisveitna, frá samkeppnisrekstri orkusölufyrirtækja og frá rekstri orkufyrirtækja í útrás á erlendum mörkuðum.
• Með löggjöf sem tryggir forræði þjóðarinnar yfir nýtingu orkunnar og sanngjarnan
hlut hennar og íbúa einstakra landssvæða með greiðslu afgjalds fyrir réttindin.
Grundvöllurinn í orkunýtingarstefnu ríkisins og þjóðarinnar er að allar auðlindir verði nýttar í almannaþágu, fyrir fólkið í landinu, en ekki einvörðungu fyrir erlenda stórfjárfesta.
Þingflokkur Frjálslynda flokksins skorar á ríkisstjórnina að vinna að nauðsynlegri löggjöf um auðlindanýtingu, á þeim forsendum sem lýst er að framan, og lýsir sig reiðubúinn til þess að vinna með ríkisstjórninni að þeirri stefnu með þau sjónarmið að leiðarljósi sem áður eru nefnd í þessari yfirlýsingu.
fréttatilkynning frá þingflokknum í dag.
Athugasemdir