16. mars 2010. Í hendur mínar barst á dögunum eintak af vísnakveri Daníels Ben. frá Önundarfirði, sem höfundur gaf út 1960. Af bókinni voru prentuð 50 tölusett eintök og áskotnaðist mér eintak nr 41. Inn í kverið hefur höfundur skrifað þessa vísu til Kristínar Þorsteinsdóttur, sem líklega hefur fengið eintakið: Góðra vina hylli hljóttu, hress og glöð á lífsins braut, heimsins bestu happa njóttu, heil og sterk í sæld og þraut.

<<<