21. ágúst 2009. Staðarhóls Páll var stórbokki en mikið skáld. Eitt sinn var hann á siglingu inn Breiðafjörð og fór í kapp við annað skip. Kom hann að skeri er heitir Gassasker. Vildi þá háseti á bát hans beita fyrir skerið, en Páll svaraði að bragði: Ýtar sigla austur um sjó öldujónum káta, skipið er nýtt en skerið hró skal því undan láta. Lyktirnar urðu að skipið barst á skerið og brotnaði í spón, fórst þar einn eða fleiri af mönnum Páls og farmur allur.

<<<